Започна санацијата на улица Партизанска на делот на кој се вршеше реконструкција на водоводна линија.
Се поставија нови црева со поголем квалитет кои ќе ги надминат проблемите на чести дефекти и прекин на вода. Од денес се работи на улицата за враќање во првобитна состојба, односно ќе биде санирана откако целиот процес е официјално завршен.
„На овој дел од улицата се појавуваа чести дефекти кои предизвикуваа прекин на вода не само на Партизанска, туку и на улиците Питу Гули и Коча Миленку. Исто така, честите дефекти значат повеќе трошоци за комуналното претпријатие и неефикасно спроведување на обврските и услугите кон граѓаните. После реконструкцијата на овој дел од мрежата тие проблеми ќе бидат надминати“, изјави ВД директорката на ЈП „Комуна“ Крушево, Станка Ефремова Трајкоска.
„Комуна“ се заблагодарува на разбирањето и трпението од граѓаните во овој подолг процес на реконструкција на водоводната линија.